"जीवन जिउने चाहनाहरु "
जीवन जिउने चाहनामा
खै म कहिले मरेछु पत्तै भएन
असरल्ल बग्रेल्ती छरिएका भावनाहरु
खै कहिले बन्दि भएछन
म खोज्दैछु
आफुलाई आफै भित्र नै
भेट्टाउने नाकाम कोशिसहरु
अझै जारी छ
अनवरत मैले होस् सम्हाले देखि
न छेउ भेट्छु
न टुप्पोको भेउ पाउँछु
ब्रह्मा र विष्णुले
आफु आफुनै ठुलो हुने कोशिसमा
अनन्त शिव लिङ्गको
छेउ टुप्पो खोजे जस्तै....
कहिले फर्किन्छु पछाडि
र खोज्छु आफ्ना अतितहरुलाई
चिथोर्छु आफ्नै बिगतलाई
खै ती विस्मृत स्मृतिले
केहि भेउ नै पाउँदैन
ति बेलाका सबै सजीव आकृतिहरु
आज अनायसै निर्जीव लाग्न थाले
आफुले हिडेका गोरेटोहरु
पहिरोले पुरिएछ
ती झोलुंगे पुलहरू
खियाले चुंडीएछ
खोलो त त्यँही बग्थ्यो क्यारे
त्यहि पनि पो सुकेछ
र ठिङ्ग उभिएको छ रित्तो बगर
मलाई गिज्याउन बाँचे जस्तै.....
अब बिस्तारै बिस्तारै
म खोक्रो हुन थालिसकेछु
डगमगाएको मेरो आत्मबिश्वास
साह्रै नै धर्मराउन थालेछ
भो अब सक्दिन म
यो जीवन जीउने चाहना
एक्लै एक्लै बोकेर हिंड्न
मेरा भावनाहरु खोज्न
स्मृतिलाई फर्काउन
गोरेटोलाई ठम्याउन
मैले चढेका आस्थाका पहाडहरु
अनायासै ढल्न थालेछन
मेरा स्वप्निल खाकाहरु हराएछन्
हार्ड डिस्कबाट
डाटा हराए जस्तै .......
आऊ मेरी प्रिया
मेरो जीवन जीउने चाहनालाई
मुर्तरुप दिन सक्ने
अब त तिमी मात्रै छौ
हो यो बेला मलाई
तिम्रो साथ चाहिएको छ
तिम्रो आढ़ चाहिएको छ
तिम्रो बिश्वास चाहिएको छ
तिमी हुन्छ मात्र भन प्रिय
म फेरि एकपटक
आफु आफै भित्रको
युद्धमा होमिनेछु
तिम्रो लागि
संसार जित्नेछु, योद्धाले जस्तै
जीवन जिउनेछु, प्रेमीले जस्तै...............
(१० जनवरी २०१४, २०७० पौष २६ गते शुक्रबार, दक्षिण सुडान)
जीवन जिउने चाहनामा
खै म कहिले मरेछु पत्तै भएन
असरल्ल बग्रेल्ती छरिएका भावनाहरु
खै कहिले बन्दि भएछन
म खोज्दैछु
आफुलाई आफै भित्र नै
भेट्टाउने नाकाम कोशिसहरु
अझै जारी छ
अनवरत मैले होस् सम्हाले देखि
न छेउ भेट्छु
न टुप्पोको भेउ पाउँछु
ब्रह्मा र विष्णुले
आफु आफुनै ठुलो हुने कोशिसमा
अनन्त शिव लिङ्गको
छेउ टुप्पो खोजे जस्तै....
कहिले फर्किन्छु पछाडि
र खोज्छु आफ्ना अतितहरुलाई
चिथोर्छु आफ्नै बिगतलाई
खै ती विस्मृत स्मृतिले
केहि भेउ नै पाउँदैन
ति बेलाका सबै सजीव आकृतिहरु
आज अनायसै निर्जीव लाग्न थाले
आफुले हिडेका गोरेटोहरु
पहिरोले पुरिएछ
ती झोलुंगे पुलहरू
खियाले चुंडीएछ
खोलो त त्यँही बग्थ्यो क्यारे
त्यहि पनि पो सुकेछ
र ठिङ्ग उभिएको छ रित्तो बगर
मलाई गिज्याउन बाँचे जस्तै.....
अब बिस्तारै बिस्तारै
म खोक्रो हुन थालिसकेछु
डगमगाएको मेरो आत्मबिश्वास
साह्रै नै धर्मराउन थालेछ
भो अब सक्दिन म
यो जीवन जीउने चाहना
एक्लै एक्लै बोकेर हिंड्न
मेरा भावनाहरु खोज्न
स्मृतिलाई फर्काउन
गोरेटोलाई ठम्याउन
मैले चढेका आस्थाका पहाडहरु
अनायासै ढल्न थालेछन
मेरा स्वप्निल खाकाहरु हराएछन्
हार्ड डिस्कबाट
डाटा हराए जस्तै .......
आऊ मेरी प्रिया
मेरो जीवन जीउने चाहनालाई
मुर्तरुप दिन सक्ने
अब त तिमी मात्रै छौ
हो यो बेला मलाई
तिम्रो साथ चाहिएको छ
तिम्रो आढ़ चाहिएको छ
तिम्रो बिश्वास चाहिएको छ
तिमी हुन्छ मात्र भन प्रिय
म फेरि एकपटक
आफु आफै भित्रको
युद्धमा होमिनेछु
तिम्रो लागि
संसार जित्नेछु, योद्धाले जस्तै
जीवन जिउनेछु, प्रेमीले जस्तै...............
(१० जनवरी २०१४, २०७० पौष २६ गते शुक्रबार, दक्षिण सुडान)